Izibongo zeNkosi uSolomoni

Izibongo zeNkosi uSolomoni Inkayishama enkulu kaMenzi! Ephuz’ umlaza ngameva. USaphumalithi iphekiwe Endlini kokaNtuzwa. Usiba olusenkundleni oSuthu, Luntula lo ongaluthintayo. Ulanga lisehlule amadoda, Sesingamavikithi. Umpondo zinde zingamagudu ezinyathi. Ugwababa liphethe umgodo, Nonloyil’ angalibuk’ zakhanuke, Ungcede onyonkel’ isife singawi, Unogwaj’ oshiy’ izinja zasOndini Indaba yenziwe uLokothwayo ezalwa uZembe Yenziwe oMankulumana ezalwa uSomaphunga Yenziwe uNdabankulu ezalwa uLukhwazi Yenziwe uLokothwayo ezalwa uZembe Yenziwe uMvingana ezalwa uNompanda. Bathath’ izinkomo zasemahhashini, Bazihlanganisa nezakwaNobamba. Izulu liphons’ amathonsi esilimela UPhongol’ olumanz’ abomvu Inkosi efungelwe abamhlophe Bathi ayisayikubekwa koSenzangakhona. Madlokovu uyabizw’ enkonjeni Ungabizelwa ndaba zalutho. Mudli wamakhobongwana amabili Elinye elakwaDakwa Elinye elakwaFelaphakathi Elinye elakwaMadumelana. OkaNdaba uhlome ehlathini Kwabangazel’ uMchitheki ezalwa nguZibhebhu. Kant’ okaNdaba kaxabene namuntu Wayeyozingel’ izinyamazane. Intaba ehlal’ ingonyama, Yesab’ izuku ukuduma UMadlongodla wakithi ezibindini, Incunc’ ephuza kwezind’ iziziba Ingaphuza kwesifushan’ ibuya nodaka. USingqungu kakhulumi kanamlomo, Unjengongaphakathi kwezihlangu zamadoda! (Yibinda Nkosi)

Related articles

Leave a Comment