Uphuthu ukudla okuthandwa kakhulukazi amaZulu. Uye ubezwe mabedlala bethi indoda yangempela idla uphuthu kanti uma unteketeke bathi kusho ukuthi udla amanoodles. Noma kunjalo uphuthu luthandwa ngabaningi ngaphandle nje kwamaZulu. Kulesi siqeshana sibheka ukuthi luphekwa kanjani uphuthu.
Okudingayo/Izithako
- 2 x izinkomishi zamanzi (water)
- 450g wempuphu (maize meal)
- 1 x tisipuni kasawoti/swayi (salt)
Indlela yokupheka
Bilisa amanzi ebodweni ufake usawoti/iswayi bese ufaka impuphu uqede ulivale ibhodwe imizuzu emibili, ungavula nembhobo phezulu wehlise ukushisa kwesistofu. Usungaligovuza ke uphuthu lwakho ngophini noma ingemuva le wooden spoon ulihlanganise kungabikhona impuphu esalayo. Uma seluhlangene kahle uvale ibhodwe, uyobe usulokhu ubuyela uligovuza njalo emuva kwemuzuzu eyishumi (10min). Ulokhu uliphendula kanjalo kuphele imizuzu ewu-30 (30min) luyobe seluvuthiwe ke usungalukhipha, ucime istofu.
Okubalulekile okumele ukuqaphele uma upheka uphuthu, okokuqala isikali sakho samanzi ngoba isona esisho ukuthi luzoba ngakanani uphuthu lwakho noma uphekela abantu abangaki. Okwesibili isikali sempuphu, uma ufuna uphuthu olunofonofo lokudla nesishebo impuphu kumele ingeqi isikali samanzi. Kanti uma ufuna “uhobe” okuwuphuthu olungabi namagenqele oluthandwa namasi, impuphu kumele ithi xaxa ukunamansi.
Article Overview
Uphuthu (dry pap, as some call it) is one of the loved dishes in our country. It is easy to cook with only three ingredients; water, maize meal and salt:
- Bring the water to boil in a pot then add salt and maize meal.
- Reduce the heat to low and close your pot for a few minutes.
- Mix everything with uphini (a wooden stick) or the back of a wooden spoon, and mix it well until its soft crumbs like.
- Cook for 30 minutes while you stir every 7-10 minutes.