UThemba Robert ‘Tizzah’ Thwala wazalwa ngo-1949 e-Germiston, wakhulela e-Lamontville, eThekwini. Ngaphambi kokuthi afudukele eThekwini, ubedlalela i-Kaizer Eleven okuyisikwati sokuqala esiholele ekusungulweni kwe-Kaizer Chiefs. Esikoleni uThwala wayengukaputeni weqembu lesikole i-Lamontville School Team.
Kamuva wadlalela i-Golden Arrows iminyaka engaphezu kwemihlanu ngaphambi kokujoyina Amazulu lapho njengomdlali wayejwayele ukubizelwa ukunakekela Amazulu ngezikhathi zobunzima futhi wenza kahle.
UThwala wanikeza izifundo futhi wabamba iqhaza ekuthuthukiseni amakhono kubadlali bebhola abasebasha ngaphansi kohlelo lwe-Soccer Legends Programme olwaluxhaswe yiHhovisi likaNdunankulu. UThwala wayenesifo sikashukela . Udlule emhlabeni ngomhlaka-10 Ephreli 2011 ngaso isifo sikashukela.