Ugubhu lwaseBurundi eThekwini

Ukusuka kwabantu emazweni abo bexoshwa izingqinamba zamazwe abo baye kwamanye ngoba befuna impilo engcono into ekade yaqala, indala cishe kunawo wonke umuntu ophila kulesikhathi samanje.

Impela kubukeka sengathi ngeke futhi kuphele uma kusekhona amazwe angenabo ubulungiswa futhi abantu bakhona bengenawo amathuba.

Kuke kwenzeke-ke ukuthi abantu uma bethutha ezweni labo, beya kwelinye bakwenze ngobuningi ezweni noma endaweni eyodwa.

Sekukaningi-ke emlandweni lapho lokhu kuphuma nomthelela wokwakheka kwenzondo ebuye idlulele nasodlameni njengoba sekuke kwenzeka ezweni lethu iNingizimu Afrika.

Ukuhlukumeza abanye abantu ngenxa yobuzwe babo ubuxhwanguxhwangu okuboshiwe umthetho wakuleli naseNhlanganweni Yezizwe.

Baningi abantu bezizwe abazilungele futhi abaletha okuhle uma beya kwamanye amazwe. Kwizinto ezinhle abazilethayo kungabalwa usiko olunenqubekela phambili, ukudla, umculo, imfundo nemikhiqizo engaba wusizo kulelo lizwe abasuke beya kulona.

Lapha ngezansi sishicilele isibonelo salokhu. Abantu bokufika eThekwini, abasuka eBurundi, beshaya izigubhu zezwe labo njengendlela okwenziwa khona uma kungcwatshwa, kugcotshwa abantu ezikhundleni noma kugujwa ukuzalwa komntwana.

 

Article Overview

This article seeks to expose some of the benefits of migration i.e. cultural education. It seeks to achieve this through a demonstration of a video of a band of immigrants from Burundi who now reside in Durban where they show how births and coronations are celebrated in their home country. The band use drums called ‘karyenda’ which are said to be very sacred in Burundi as they represent the fertility of Mwami (they Royal Family), who are also said to be the champions of regeneration in the country.

, ,

No comments yet.

Leave a Reply